Përfundon procesi “Kleçka”, Limaj dhe të tjerët të pafajshëm

Trupi gjykues kishte vendosur të vazhdonte gjykimi, me arsyetimin se ata gjatë kohës për të cilën akuzohen, kanë pasur pozita komanduese

Ish-komandant “Çeliku” dhe bashkëluftëtarët e tij shpallen të pafajshëm.

Trupi gjykues në rastin “Kleçka”, i ka shpallur të pa fajshëm për të gjitha pikat me të cilat akuzoheshin ish-luftëtarët e UÇK-së, deputeti i PDK-së Fatmir Limaj dhe tre bashkëluftëtarët e tij, Nexhmi Krasniqi, Naser Shala dhe Naser Krasniqi.

Ndaj katër të akuzuarve për krime lufte, i njohur si rasti “Kleçka”, trupi gjykues kishte vendosur kohë më parë që të vazhdonte gjykimi, me arsyetimin se ata gjatë kohës për të cilën akuzohen, kanë pasur pozita komanduese.

Pas vendimit për vazhdim të gjykimit ndaj tyre, prokurori dhe mbrojtja kishin vendosur që dëshmitë e mbetura të konsiderohen si të lexuara dhe në këtë mënyrë të shmanget një seancë të dytë e shqyrtimit gjyqësor.