As përkrahja e Bebe Rexhës nuk i kryen punë Rita Orës

Kënga e Rita Orës ka mbetur me rreth një mijë kopje të shitura në krahasim me “Havana” të Camilla Cabellos që vazhdon të prijë për të pestën herë

“Anywhere” nuk ka arritur as këtë javë që të dalë në majën e top-listës zyrtare në Britani të Madhe.

Kënga e Rita Orës ka mbetur me rreth një mijë kopje të shitura në krahasim me “Havana” të Camilla Cabellos që vazhdon të prijë për të pestën herë.

Për Rita Orën kjo është hera e tretë që mbetet në pozitën e dytë, shkruan Albinfo.ch.

Javën e fundit, për të ofroi përkrahje edhe këngëtarja tjetër shqiptare me famë botërore, Bebe Rexha përmes rrjeteve sociale, por siç duket kjo nuk kreu punë.

Remiksi i Ed Sheeranit me Beyoncen “Perfect” pritet të rivalizojë të dy këngëtaret dhe të dalë në vendin e parë pas pritjes së mirë në Britani të Madhe.