Përshtypjet e studentëve zviceranë në Shkodër

Në mesin e studentëve nga Universiteti i Lucernit kanë qenë edhe gjashtë shqiptarë nga Kosova e Maqedonia

Një grup i studentëve zviceranë kanë qëndruar në Shkodër, në programin DLDP.

Në mesin e tyre kanë qenë gjashtë shqiptarë nga Kosova dhe Maqedonia. Studentët nga Universiteti i Lucernit kanë qenë nga 3 deri më 9 shtator, shkruan albinfo.ch.

“Programi DLDP (decentralization and local development programme) ka mirëpritur në zyrat e veta studentë nga Universiteti i Lucernit, në një takim informues mbi decentralizimin e pushtetit vendor. Ky takim zhvillohet në kuadër të udhëtimit studimor që Universiteti i Shkencave te Aplikuara dhe Arteve në Lucern të Zvicrës ka organizuar me studentë të Administrim Biznesit me temë ‘Perspektiva e Biznesit dhe Shoqëria në Evropën Lindore”, thuhet në njoftimin në rrjetet sociale.