Pesë komuna ndërshqiptare bashkohen në Tiranë

Më 26 dhe 27 nëntor, në Tiranë do të mbahet një takim ku pjesëmarrës do të jenë përfaqësues nga Prishtina, Presheva, Ulqini, Tirana e Tetova, tha kryetari i Prishtinës, Shpend Ahmeti

Në nëntor të këtij viti, respektivisht në 104 vjetorin e pavarësisë së Shqipërisë, në Tiranë do të mbahet një takim me pesë komunat ndër-shqiptare, nga Kosova, Maqedonia, Mali i Zi, Shqipëria dhe Lugina e Preshevës. Kështu ka deklaruar kryetari i Komunës së Prishtinës, shpend Ahmeti, pas një takimi që ka zhvilluar me kryetarin e bashkisë së Tiranës, Erion Velia.

Ky takim, sipas Ahmetit, do ta mbahet më 26 dhe 27 nëntor në Tiranë, ku pjesëmarrës do të jenë përfaqësues nga Prishtina, Presheva, Ulqini, Tirana e Tetova, raporton “Zeri”. Kryetari i Prishtinës ka thënë se ky takim do ti shërbej shumë komunave siç tha ai, ndërshqiptare.

Ahmeti ka thënë se ky është takimi i parë që do të mbahet dhe në të cilin do të diskutohen problemet me të cilat ballafaqohen të gjitha këto komuna si dhe shkëmbimin e përvojave të këtyre komunave.