Pesë vendet me rezervat më të mëdha të arit në botë

Për 5000 vjet ari ka dëshmuar statusin e tij si ruajtja e fundit e vlerës. Investitorët e sotëm nxitojnë për të blerë metalin e çmuar.

Vendin e parë me rezervat më të mëdha të arit e zë SHBA-ja me 8.407 tonë, më pas Gjermania, Italia, Franca dhe në vendin e 5 Rusia, transmeton gazeta Express, përcjell albinfo.ch.

1. SHBA

Uashingtoni thuhet se mban rezervat më të mëdha të arit në botë, prej 8,407 tonë. Kjo përbën më shumë se 75 për qind të rezervave valutore kombëtare.

2. Gjermania

Banka Gjermane zotëron aktualisht 3,483 tonë ar, e cila përbën më shumë se 70 për qind të rezervave valutore të Gjermanisë. Rregullatori ka tentuar të riatdhesojë rreth 674 tonë ari të mbajtur nga Banka e Francës dhe Banka Federale e Rezervave Amerikane. Riatdhesimi i arit të kombit pritet të përfundojë deri në vitin 2020.

3.Italia

Me 2,534 tonë ari në arkën e saj, Italia zbriti në vendin e tretë. Shuma përbën rreth 70 për qind të rezervave valutore të vendit. Sipas politikës së ndjekur nga Banka e Italisë, ari është investimi më i sigurt në kohën e trazirave ekonomike dhe mbrojtje ndaj luhatshmërisë së dollarit amerikan.

4.Franca

Parisi thuhet se zotëron 2,518 tonë metal të çmuar, i cili përbën rreth 60 për qind të të gjitha rezervave valutore të Francës. Politikania francez Marine Le Pen ka kërkuar vazhdimisht rritjen e shitjes së arit të kombit, si dhe riatdhesimin e të gjitha shufrave të Francës që mbahen nga shtete të huaja.

5. Rusia

Banka Qendrore e Rusisë në gjashtë vjetët e fundit ka bërë blerje të mëdha të arit. Në 2017, Rusia hoqi Kinën nga lista e 5 vendeve me rezervat më të mëdha të arit. Viten e kaluar Rusia u bë blerësi kryesor i arit në botë, me blerje neto 651.5 tonë. Në muajin shkurt Banka Qendrore Ruse rriti grumbullimin e metaleve të çmuara në 2.149 tonë.