Polemika rreth ministrit gjerman, propozon një festë publike myslimane

Ministri i Brendshëm i Gjermanisë, Thomas de Maiziere ka shkaktuar polemika, duke propozuar që në Gjermani të ketë edhe një festë publike myslimane, raportojnë mediat gjermane.

Rreth katër milionë myslimanë jetojnë në Gjermani, shumica e tyre me prejardhje turke, derisa më shumë se një milion emigrantë që kanë mbërritur në dy vitet e fundit janë shumica myslimanë, përcjell albinfo.ch.

De Maiziere, pjesëtar i kristiandemokratëve të Angela Merkelit, tha se ai ishte i hapur që në disa rajone të Gjermanisë, të kishte edhe festa publike myslimane.

Derisa festohen festa të katolikëve në vende ku ka shumë myslimanë, pse të mos të ketë edhe një festë publike myslimane, ka thënë ai.

Por, propozimi i tij ka ngjallur polemika dhe reagime nga kolegët e tij konservatorë, që pritet të fillojnë bisedimet tre palëshe për krijimin e koalicionit të ri me demokratët e lirë liberalë dhe të gjelbrit, javën e ardhshme.

Por, ky propozim është vështirë të kalojë, sidomos të mbrohet me ligj, do të jetë edhe më vështirë. Ndërkohë, shumë të tjerë kanë thënë se kjo nuk ka gjasa të ndodh dhe nuk do të vjen në konsideratë që festë e tillë të bëhet zyrtare.