Policia: Bombola që shpërtheu ishte në bodrumin e shtëpisë në Mitrovicë

Policia e Kosovës ka dhënë detaje për rastin e shpërthimit të bombolës së gazit në një shtëpi në fshatin Kçiq të Mitrovicës.

Sipas autoriteteve, bombola e gazit ishte e vendosur në bodrumin e shtëpisë.

“Katërmbëdhjetë persona kanë pësuar lëndime trupore si pasojë e shpërthimit të një bombole gazi në bodrumin e shtëpisë ku po qëndronin. Të lënduarit janë dërguar për trajtim mjekësor në QKUK. Shkaqet e shpërthimit ende nuk dihen. Përveç të lënduarve si pasojë e shpërthimit janë shkaktuar edhe dëme të konsiderueshme materiale. Në vendin e ngjarjes përves njësive të nevojshme policore kanë dalë edhe zjarrfikësit dhe eksperti i zjarrit. Rasti është duke u hetuar nga njësitet kompetente”, thuhet nga Policia.

Si pasojë e këtij shpërthimi 15 persona janë lënduar, katër prej tyre janë në gjendje të më të rëndë shëndetësore.