Policia i vihet pas Sekiraqes

I shumëkërkuara Enver Sekiraqa thuhet se është i gatshëm të dorëzohet, por vetëm në duart e misionit të EULEX-it, sepse nuk iu beson policisë kosovare. Policia e Kosovës i është vë pas personit më të kërkuar të Kosovës së pasluftës, Enver Sekiraqes, i akuzuar për planifikim dhe ndikim në vrasjen e policit të Njësisë Speciale […]

I shumëkërkuara Enver Sekiraqa thuhet se është i gatshëm të dorëzohet, por vetëm në duart e misionit të EULEX-it, sepse nuk iu beson policisë kosovare.

Policia e Kosovës i është vë pas personit më të kërkuar të Kosovës së pasluftës, Enver Sekiraqes, i akuzuar për planifikim dhe ndikim në vrasjen e policit të Njësisë Speciale (ROSU, Triumf Riza. Policia e Kosovës tashmë ka krijuar një “Taske Forcë” për arrestimin e tij.

E përditshmja kosovare “express” thotë se Sekiraqa ndodhet në Kosovë dhe për këtë është e informuar edhe policia. Sipas kësaj të përditshme, Enver Sekiraqa është i gatshëm të dorëzohet, por vetëm në duart e misionit të EULEX-it, sepse nuk iu beson policisë kosovare.

Policia thuhet se ka angazhuar njësi të specializuara për arrestimin e tij, por deri tash kanë rezultuar pa sukses. Sekiraqa është parë duke frekuentuar disa vende në Prishtinë. Pas vrasjes së policit Riza, ai ishte arratisur në Irlandë, ndërsa institucionet e Kosovës e kishin të pamundur ekstradimin e tij.

Ndërkaq një vit më parë mediet raportuan se Enver Sekiraqa është parë në Mitrovicën e veriut, mirëpo edhe atëherë e patën të pamundur arrestimin e tij.

Pavarësisht këtyre përpjekjeve, ai mbetet njeriu më i kërkuar nga Policia e Kosovës. Ai akuzohet për ndikim në vrasjen e policit Triumf Riza, por edhe në një varg krimesh që i ka bërë në Kosovë, ai dhe klani i tij para dhe pas luftës.