Policia kosovare vigjilente me një falsifikues gjerman

Për të fshehur udhëtimin dhe për të hequr stresin, një gjerman 25-vjeçar ka ndryshuar pasaportën e tij. Për këtë ai është dashur të kalojë një natë në Kosovë.

Për shkak se ai ka dashur të fsheh udhëtimin në Peru që e ksihte realizuar fshehurazi nga e fejuara dhe prindërit e saj, një person 25-vjeçar nga Münsteri i Gjermanisë e ka grisur fletën e pasaportës me vulat përkatëse të udhëtimit për në Peru. Manipulini i ra në sy menjëherë policisë kosovare, gjatë hyrjes në vend në Aeroportin e Prishtinës, shkruajnë mediat gjermane, përcjell Albinfo.ch. Pas mbajtjes në burg për një ditë, personi është kthyer në Gjermani, ku u prit nga policia federale gjermane në Aeroportin e Mynihut.

Në fillim të vitit, shtetasi gjerman nga Münsteri kishte udhëtuar fshehurazi në Amerikën e Jugut. Megjithatë, pa të dashurën e tij. Për të shmangur stresin e mëtejshëm me të dhe prindërit e saj, ai e kishte hequr faqen dëshmitare nga pasaporta e tij, duke konfirmuar menjëherë fajin para policisë federale. Gjermani as që ka dyshuar se mund të ndiqej për falsifikim të dokumenteve.

Falsifikuesi kishte zbritur të premten në Aeroportin e Prishtinës, ku policia kufitare kosovare kishte vërejtur pasaportën e grisur. Banori nga Münsteri është dashur të kaloj një ditë në një burg të Kosovës, para se të kthehej në Gjermani. Në aeroportin e Mynihut, policia federale vuri re se dokumenti i tij gjitashtu kishte skaduar. Ai duhet të llogarisë në denoncim për ndryshimin e dokumentit personal. Sipas deklaratave të tij, ky veprim do t`i paraqet gjithashtu probleme në karrierën e tij si agjent i pasurive të patundshme.