Policia vret një person të armatosur në Adelboden të Bernës

Pas hyrjes së tij në shtëpi, u krijua një situatë e kërcënimit akut dhe me këtë rast u vu në përdorim një armë e shërbimit policor

Një burrë është qëlluar për vdekje në një operacion policor që është zhvilluar të enjten në  Adelboden të regjionit Berner Oberland të Kantonit të Bernës, shkruan srf.ch.

Sipas një komunikate, policia ka marrë njoftimin se një burrë në një ndërtesë banimi në Adelboden po tregonte sjellje jonormale, transmeton albinfo.ch.

Ai veç tjerash ka kërcënuar se do të dëmtonte veten e tij. Pas hyrjes së tij në shtëpi, u krijua një situatë e kërcënimit akut dhe me këtë rast u vu në përdorim një armë e shërbimit policor.

Personi në fjalë u godit prej një plumbi të shkrepur nga policia dhe për pasojë vdiq në vendin e ngjarjes.

Ngjarja, për shkak të ndjeshmërisë së saj. po hetohet nga një trupë policore jashtë kantonit ku ajo ka ndodhur, thuhet në raport.

---