Politikani serbe thotë se Radojiçiq u lirua në marrëveshje me qeverinë e Serbisë

Xhelal Svecla, FB

Milan Radoiçiq u arrestua të martën nga autoritetet e Serbisë nën dyshimet për tregti me armë e u lirua nga mbajtja të mërkurën.

Lidhur me këtë ka folur politikani serb Zdravko Ponosh. Ai thotë se lirimi i tij erdhi në marrëveshje me qeverinë serbe.

“Jam i bindur se marrja e përgjegjësisë së plotë nga Radoiçiq për ngjarjen në Banjskë dhe paraqitja e tij në polici është rezultat i marrëveshjes së arritur nga qeveria me të”, tha ai për gazetën Danas.

Kryetari i partisë Qendra e Serbisë shtoi se e ardhmja e Milan Radoiçiq do të varet nga ajo se kush do të jetë më i suksesshëm në negociatat me presidentin serb Aleksandar Vuçiq.

“Kujt Vuçiq i detyrohet më shumë, kujt i frikësohet më shumë, kujt i ka premtuar më shumë, kush ka kapacitet më të madh shantazhues ndaj tij”, tha Ponosh, përcjell albinfo.ch.