Porosia e mjekëve shqiptarë në Zvicër

Ju drejtohem të gjithë juve të dashur,

Coronavirusi (Covid-19) ka kapluar jo vetëm Zvicrën dhe trojet tona, por mbarë botën.
Epidemiologët llogarisin se deri në 70% do të preken nga ky virus. Sipas të dhënave nga Italia, mortaliteti i të infektuarve shkon atje deri në 8%. Posaçërisht të rrezikuar janë personat me hipertension, diabet, sëmundjet kardiovaskulare, të imunsuprimuarit si dhe pacientët me neoplasi. Duhet të theksuar që deri në 80% të rastëve kanë simptome jo të rënda dhe nëse nuk kanë faktor të rrezikut, hospitalizimi s’është i indikuar. Terapitë, të cilat përdoren deri tani (si p.sh. antireumatikët dhe viroststikët) janë off label use, dhe sipas të dhënave të fundit nuk kanë treguar ndonjë benefit në krahasim me terapinë simptomatike. Prandaj mundësia e vetme për të ngadalësuar pandeminë është që të gjithe ju t’i shmangeni çdo kontakti të mundur e të panevojshëm.

• Rrini në shtëpi!
• Zoti ju bekoftë!

Me shumë respekt,

Mentor Bilali, internist dhe gastroenterolog

Naim Mehmeti, internist dhe angiolog.