Presione për të pranuar marrëveshjen për emrin e ri të Maqedonisë

Marrëveshja rreth kontestit të emrit mes Maqedonisë dhe Greqisë po afrohet dhe të gjitha aktivitetet armiqësore të çauvinizmit dhe revizionizmit duhet të parandalohet nga partitë që kanë nënshkruar marrëveshjen, shkruan fillimisht “Der Standard” duke cituar nenin gjashtë të marrëveshjes mes Shkupit dhe Athinës.

Më tej media austriake kryen një rezyme të shkurtër edhe të nenit shtatë, ku kërkohet të ruhet “tradita helene”, e parë si një mollë sherri mes dy popujve. “Identiteti i pasigurtë është edhe arsyeja për kontestin irracional të emrit,” përcjell albinfo.ch.

Partia Popullore Evropiane të ushtrojë presion te OBRM-PDUKM

Për të qenë e plotë marrëveshja mes Athinës dhe Shkupit, parlamenti i kësaj të fundit duhet të kryejë edhe ndryshimet kushtetuese të parapara me dy të tretat e deputetëve. Këtu duhen edhe votat e opozitares së djathtë OBRM-PDUKM, e cila deri tani ka refuzuar marrëveshjen.

“OBRM-PDUKM është pjesë e Partive Popullore Europiane. Tani PPE duhet me presion masiv të bind OBRM-PDUKM që të ndryshojë qëndrim, pasi bëhet fjalë për të ardhmen e BE dhe NATO,” përcjell albinfo.ch.

Nuk ka asnjë arsye që të flitet me butësi me OBRM, sepse në asnjë vend të BE nuk kishte parti të tillë, që deri në 2015 e kanë dëmtuar aq shumë shtetin sa nacionalistët e Shkupit.