Presidenti i Shqipërisë: Kosova në takimet ndërkombëtare, prioritet

Presidenti i Shqipërisë, Bajram Begaj, ka deklaruar se për të Kosova është prioritet në takimet ndërkombëtare.

Ai ka thënë se situata e Kosovës duhet të zgjidhet duke respektuar marrëveshjet e Brukseli dhe duke zbatuar anekset e marrëveshjes së Ohrit.

“Nuk mund të mungojë Kosova në asnjë takim ndërkombëtar. Për mua është prioritet i prioriteteve. Natyrisht jo se do dubloj drejtuesit e Kosovës, por unë bëj punën time si president i Republikës së Shqipërisë dhe përgjegjësisë që kanë për shqiptarët kudo që ata jetojnë e punojnë. Takimet përveç Asamblesë së Përgjithshme të OKB-së në fokus kanë qenë të lidhura edhe me çështjen e Kosovës”, tha ai.

Në një intervistë për RTK, Begaj ka njoftuar se në takimet që ka pasur në Asamblenë e Përgjithshme të Kombeve të Bashkuara kanë diskutuar edhe për situatën në Kosovë, teksa sipas tij, e vetmja rrugë nga dalja e mosmarrëveshjeve është dialogu dhe se përmes zbatimit të marrëveshjeve të arritura përmirësohet situata aktuale, përcjell albinfo.ch.

Ndër të tjera, Begaj u shpreh se Shqipëria dhe Kosova duhet t’i bashkojnë forcat që të punojmë në drejtim të njohjeve të reja, që Kosova të anëtarësohet në organizata ndërkombëtare, pasi ai e konsideron këtë si çështje të fitores së qytetarëve të Kosovës.