Presidenti turk kërkon nga Izraeli të ndalohen sulmet në Gaza

Presidenti i Turqisë, Recep Tayyip Erdogan, ka kritikuar veprimet e Izraelit dhe i ka kërkuar që të ndalojë siç tha “masakrat çnjerëzore” në Rripin e Gazës.

“Izraeli duhet të ndalojë këmbënguljen për vazhdimin e këtyre masakrave dhe t’u japë fund këtyre sulmeve çnjerëzore. Deri më sot, është Izraeli ai që ka insistuar në sulme dhe masakra të vazhdueshme. Është Izraeli ai që shkel të drejtat e njeriut dhe ligjin ndërkombëtar”, ka thënë ai, raporton Anadolu Agency.

Tutje ai ka shprehur shqetësime për ambiciet rajonale të Izraelit.

“Ata (udhëheqësit izraelitë) kërcënojnë Libanin që të lehtësojnë veten. Izraeli duhet të heqë dorë nga synimi i tij për të përhapur konflikte në rajon”, u shpreh ai, transmeton albinfo.ch.

Duke iu referuar marrëdhënieve të Turqisë me Sirinë, Erdogan paralajmëroi përmirësim të mundshëm të marrëdhënieve.

“Në momentin që Bashar al-Assad do të ndërmarrë një hap drejt përmirësimit të marrëdhënieve me Turqinë, ne do t’ia kthejmë këtë qasje. Ne do t’i bëjmë një ftesë Assad-it. Ne duam t’i kthejmë marrëdhëniet në të njëjtën pikë si në të kaluarën”, deklaroi ai.

Sa i përket partneritetit strategjik me Mbretërinë e Bashkuar, ai u zotua se do ta forcojë atë më tej.

“Ne do të vazhdojmë të përmirësojmë marrëdhëniet me aleatin tonë, Mbretërinë e Bashkuar në çdo fushë në periudhën e re”, u shpreh ai.