Presidentja Osmani do ta përfaqësojë Kosovën në Samitin për Ukrainën

Mësohet se presidentja e Kosovës, Vjosa Osmani, do ta përfaqësojë Kosovën në Samitin për Ukrainën në Tiranë, përcjell albinfo.ch.

“Presidentja do ta përfaqësojë Kosovën në Samitin e Ukrainës”, thuhet në njoftimin zyrtar.

Ndërkohë, presidenti ukrainas, Volodymyr Zelensky, pritet të mbërrijë sot në Tiranë, ku do të pritet nga kryeministri Edi Rama.

Ngjarjet në Ukrainë dhe elementët e sigurisë do të përcaktojnë edhe agjendën e Zelenskyt në Tiranë, ku ajo që dihet është pjesëmarrja në Samitin e 28 shkurtit.

Në samit do të jenë edhe zyrtarët më të lartë të Brukselit, liderë të vendeve të Ballkanit Perëndimor dhe të Evropës Juglindore.