Princi Harry dhe Meghan Markle vizitojnë një shkollë

Për herë të parë së bashku, Princi Harry dhe partnerja e tij amerikane, Meghan Markle, vizituan një shkollë në Nottingham. Çifti vizitoi Akademinë e Nottinghamit për të takuar drejtorët e shkollave lokale dhe për të dëgjuar rreth programit “Full Effect”, një nismë e mbështetur nga fondacioni i familjes mbretërore për të penguar fëmijët të përfshihen në dhunë.

Markle, e cila për shumë kohë ka qenë edhe aktiviste e shumë çështjeve, pritet të heqë dorë nga rolet e saj të mëparshme të bamirësisë.
Ajo do të vazhdojë jetën në familjen mbretërore të Britanisë.

Çifti, i cili u fejua të hënën, do të martohet majin e ardhshëm në Windsor Castle, shtëpinë e mbretërve britanikë për gati 1.000 vjet.