Prindërit e dëbojnë të birin përtac që banonte në hotelin “Mama”

Një çift bashkëshortësh nga Nju Jorku kërkoi ndihmën e një gjyqtari për të hequr qafe djalin e tyre

Këshillat e mira dhe ryshfeti nuk funksionuan si duhet. Pra, një çift bashkëshortësh nga Nju Jorku kërkoi ndihmën e një gjyqtari për të hequr qafe djalin e tyre.

Me sa duket, djali i tyre 30-vjeçar nuk donte të rritet: atij i pëlqeu aq shumë qëndrimi në hotel “Mama” (nëna shqip), sa që thjesht nuk donte të largohej, edhe pse prindërit e tij u përpoqën disa herë ta dëbonin.

Michael Rotondo ishte kthyer në shtëpinë e prindërve të tij në Camillus të Nju Jorkut, tetë vite më parë, shkruajnë mediat e huaja, përcjell Albinfo.ch.

Atyre u erdhi deri në maje të hundës: ata kërkuan nga djali të largohej nga shtëpia, por asgjë nuk ndihmoi. Edhe pse i dhanë një afat me shkrim prej 14 ditësh, djaloshi i injoroi. Prindërit u munduan t’i japin edhe këshilla për ta nisur jetën e tij dhe i ofruan ndihmë të gjente një punë dhe një banesë. Por, më kot.

Në fund, ata i dhanë edhe kapital fillestar prej 1.100 dollarëve. Më në fund, ata vendosën t`i drejtohen Gjykatës së Lartë të Nju Jorkut, për të marrë një veprim dëbimi.

Edhe gjyqtari ende përpiqej ta bindte Mikaelin që të largohej ose të fliste përsëri me prindërit e tij. Por, 30-vjeçari mbrojti veten dhe u përpoq të argumentonte se për shkak të precedentëve të ngjashëm ai mund të qëndronte edhe gjashtë muaj. Gjykatësi Donald Greenëood vlerësoi pyetjet e tij ligjore, por e quajti këtë kërkesë “një shaka”.

Pra, gjyqtari Michael dha urdhrin e dëbimit, ndërsa djaloshi paralajmëroi ankesë dhe u kthye në dhomën e tij.