Drejtori i Shëndetësisë në Prishtinë, Izet Sadiku, u shpreh se janë duke punuar vazhdimisht në përmirësimin e kushteve për t’i ndihmuar gratë në parandalimin dhe kurimin e kancerit të gjirit.

Udhëheqësja e organizatës joqeveritare “Renesansa”, Violeta Pirana, deklaroi se po të angazhohen së bashku, mund të bëhen mrekulli në luftimin e kësaj sëmundje, derisa shtoi se me hapjen e kësaj fushate, po hapen dyert për ndërgjegjësimin dhe rritjen e fondeve kundër kësaj beteje të pazakontë.

Kristale Ivezaj-Rama, udhëheqëse e aktiviteteve në kuadër të kësaj fushate, njëherësh bashkëshortja e kryetarit të Prishtinës, falënderoi të gjithë ata që kontribuuan dhe u bënë pjesë e kësaj kampanje.