Prishtinë, shembet rruga e re e Arbërisë

Ekspertët edhe më herët kishin paralajmëruar rrezikun për terrenin e rrëshqitshëm të kësaj pjese të Arbërisë, duke tërhequr vërejtjen të mos bëheshin ndërtime të ngutshme

Njëra nga rrugët më moderne të Prishtinës, e cila ende nuk është lëshuar për qarkullim, është shembur të hënën pas reshjeve të pandërprera të shiut. Kjo shembje nuk e ka vënë në “siklet” vetëm administratën komunale të Prishtinës, por edhe banorët që jetojnë në lagjen më të bukur të kryeqytetit.

Kjo rrugë e cila lidhë një pjesë të administratës komunale të Prishtinës dhe njërën nga lagjet e reja të Dragodanit, akoma nuk është inauguruar, ndërsa qytetarët tashmë po  binden, se toka në këtë lagje është e rrëshqitshme.

Ekspertët edhe më herët kishin paralajmëruar rrezikun për terrenin e rrëshqitshëm të kësaj pjese të Arbërisë, duke tërhequr vërejtjen të mos bëheshin ndërtime të ngutshme, pa e studiuar më mirë fizibilitetin e saj, raportin Koha.

Fatbardhësisht është shembur vetëm rruga dhe nuk ka njoftime për ndonjë lëvizje muresh të shumëkatësheve, që tashmë e kanë mbuluar këtë shpat përballë stacionit hekurudhor. Pjesa ku është s’mburr rruga, është e stërmbushur me banesa disakatëshe, ndërsa në kohën e ish-Jugosllavisë, ishte pjesë e palejuar për ndërtim.