Prizren: Nëntë të lënduar nga hedhja e granatës së dorës

Hidhet granatë dore në tregun e kafshëve në Prizren, nëntë të lënduar

Raportohet se nëntë persona janë lënduar nga shpërthimi i një granate dore në tregun e kafshëve në Prizren në mëngjesin e së mërkurës, ka konfirmuar Policia e Kosovës, përcjell albinfo.ch.

Të gjithë të lënduarit janë dërguar në Emergjencën e Spitalit Rajonal të Prizrenit.

Tre të dyshuarit janë identifikuar dhe janë në kërkim policor.

“Sot, më datë 22.11.2023, rreth orës 04:50, Policia ka pranuar informatë për një rast plagosje te tregu i kafshëve në Prizren. Nga informatat e para dyshohet se 9 persona kanë pësuar lëndime nga shpërthimi i një granate dore. Të gjithë të lënduarit janë në Emergjencën e Spitalit Rajonal të Prizrenit, duke marrë trajtim mjekësor. Policia ka dalë në vendngjarje dhe është informuar prokurori kujdestar gjithashtu. Në vendngjarje kanë dalë edhe njësiti i hetimeve rajonale të Prizrenit dhe janë duke mbledhur provat dhe dëshmitë. Tre te dyshuar janë identifikuar dhe janë në kërkim policor”, ka thënë zëdhënësi i Policisë në rajonin e Prizrenit, Vesel Gashi.

 

---