Prodhimi i iPhone 14 kushton 20 për qind më shumë se i iPhone 13

Nikkei Asia njoftoi se çmimet e komponentëve për iPhone-ët më të ri ishte ngritur për 20 për qind duke arritur nivelin më të lartë të të gjitha kohërave. Prodhimi i iPhone 14 Pro Max kushton 514 euro, ngritje e madhe kjo në krahasim me iPhone 13, prodhimi i të cilit kushtonte 473 euro, dhe arsyeja kryesore është çipi A16 Bionic, i cili kushton 112 euro.

Nikkei shkori se që nga prezantimi i parë i modelit Pro Max në vitin 2018, çmimet për këto modele kanë qenë në mes të 410 euro dhe 462 euro. Ueb-sajti i lajmeve e bëri supozimin logjik se nëse Apple po merr goditje në koston e prodhimit pa i ndryshuar çmimet në SHBA, kompania duket se do të merr goditje në fitime.

Çipi A16 Bionic kushton 2.4 herë më shtrenjtë se çipi i kaluar A15, i cili gjithashtu është në dispozicion në 2 modelet e thjeshta, iPhone 14 dhe iPhone 14 Plus, raporton GSM Arena, transmeton Albinfo.

Një arsye tjetër janë sensorët e ri të Sony, CMOS, të cilat janë mbi 30 për qind më të mëdha në përmasa por edhe 50 për qind më të shtrenjtë, duke arritur kosto prej 15.40 euro. Apple ekranet e saj po i merr nga Samsung Display, një marrëveshje që ka disa vite që vazhdon.

Komponentët për pajisjet e iPhone 14 nga kompanitë me bazë në SHBA përbëjnë pothuajse një të tretën e kostove dhe kushtojnë mbi 10 për qind më shumë në krahasim me vitin 2021.

Koreja Jugore është ofruesi i dytë më i madh i komponentëve për telefona, dhe ndryshimi ka ndodhur kryesisht për shkak se Apple po prodhon vetë produktet e tyre, si për shembull edhe çipsetin.