Profesori me tatuazhe, në garë për president

Franz kërkon të jetë pasardhësi i Vaclav Klaus dhe ka nisur fushatën e tij elektorale. Vladimir Franz nga Çekia, profesori i dramës që pretendon të bëhet i pari president në botë që ka të mbuluar 90% të trupit me tatuazhe

Franz kërkon të jetë pasardhësi i Vaclav Klaus dhe ka nisur fushatën e tij elektorale.

Vladimir Franz nga Çekia, profesori i dramës që pretendon të bëhet i pari president në botë që ka të mbuluar 90% të trupit me tatuazhe

Edhe pse pamja do të jetë një disavantazh i madh për të, 53-vjeçari ka nisur fushatën në Pragë, vendlindjen e tij. Atij i duhen 50 mijë firma në mënyrë që të hyjë zyrtarisht në garën për president si një kandidat i pavarur, transmeton TCH.

Ditën e hënë, vetëm një javë nga fillimi i “aksionit”, Franz ka grumbulluar 8777 firma, ndërsa faqja e tij në Facebook ka plot 23 mijë pëlqime, transmeton TCH.

Ai është shprehur për ‘The Prague Post’ se politika dhe politikanët janë larguar nga njerëzit. “Qytetarët janë të mërzitur dhe kanë frikë nga radikalizmi. Nëse grumbulloj 50 mijë firma, do të jetë një sinjal i pastër se shoqëria çeke po rizgjohet”, tha Franz.