Promovohet “Shqipëria ime fantastike”

Nëpërmjet projektit “Shqipëria ime fantastike”, po u prezantohet vizitorëve trashëgimia kulturore, hoteleria dhe artizanati që kanë zonat e ndryshe të Shqipërisë

Agjencia Kombëtare e Turizmit, nëpërmjet projektit “Shqipëria ime fantastike”, po vazhdon t’ua sjell lexuesve vendorë dhe ndërkombëtarë bukuritë e rralla të Shqipërisë. Projekti ua pasqyron vizitorëve trashëgiminë kulturore, hotelerinë dhe artizanatin që kanë zonat e ndryshe të vendit.

Pas hapjes së sezoneve turistike nëpërmjet panaireve të ndryshëm, Agjencia Kombëtare e Turizmit një javë më parë organizoi projektin “Jeep Safari Trip”, ndërsa së fundi ka nisur një mënyrë direkte të njohjes se kapaciteteve turistike, nëpërmjet “Fam Tour-ve”.  

Kjo e fundit (Fam Tourët) është mënyra e drejtpërdrejtë e lexuesit për turizmin dhe prenotimin e një bilete online. 

Rëndësia e Fam Tour-eve, siç raporton “Tema”, qëndron në faktin se personat të cilët zhvillojnë vizitat e tyre inspektuese apo familjarizuese, t’i ndajnë edhe më shumë njerëz të tjerë në vendet nga ata vijnë përjetimet dhe burimit që ofron Shqipëria në fushën e turizmit.

Ndërkohe, e gjitha kjo vjen në koordinim me Ministrinë e Zhvillimit Urban dhe Turizmit.

Ndryshe promovimit të turizmit shqiptar i ka kontribuuar edhe kryeministri Edi Rama dhe kryeparlamentari shqiptar, Ilir Meta. Ata kanë vizituar Skraparin dhe janë ndalur në urën e Kasabashit e cila është ndërtuar në shekullin e 17. Rama ka postuar dy foto në twitter, të bëra gjatë vizitës.

Lidhur me zhvillimin e zonës kryeministri Rama deklaroi se qeveria ka në plan zhvillimin e turizmit dhe ekonomisë së kësaj zone. “Në fund të vizitës në Skrapar ,Ura e Kasabashit e shek. 17.-të. Me planet tona, prurja turistike e zonës dhe ekonomia do rriten fort”, shkruan Rama.