Pronari i barit në Crans-Montana me të kaluar kriminale, zbardhen detaje nga hetimi

Tragjedia në Crans-Montana: Pronarët e barit nën hetim penal

Pronarët e barit ku 40 persona humbën jetën nga zjarri në orët e para të Vitit të Ri kanë deklaruar se janë të tronditur nga tragjedia dhe kanë premtuar bashkëpunim të plotë me autoritetet, përcjell albinfo.ch.

Jacques dhe Jessica Moretti po hetohen për humbje e disa jetëve nga pakujdesia, lëndime trupore dhe zjarrvënie po ashtu nga pakujdesia, pas zjarrit që shpërtheu rreth orës 01:30 të 1 janarit, kur lokali ishte i mbushur me festues, shkruan AFP.

Referuar burimeve pranë hetimit, Jacques Moretti ka një të kaluar kriminale dhe ka vuajtur dënime me burg në vitet 2005 dhe 2008. Media franceze raportojnë se ai ishte ndaluar të drejtonte biznese në Francë dhe kishte qenë i përfshirë edhe në disa çështje të tjera penale, pa përfunduar me dënim.

Hetimet për shkaqet dhe përgjegjësitë ligjore të kësaj tragjedie vazhdojnë.

---