Protesta kundër Zyres Civile në Mitrovicë

Në veri të Mitrovicës është protestuar kundër hapjes së Zyrës Administrative në atë pjesë të qytetit nga institucionet kosovare

Disa qindra serbë sot rreth kanë protestuar të hënën në rrugën “Mreti Petër” në veri të Mitrovicës, në shenjë kundërshtimi të funksionalizimit të institucioneve të Republikës së Kosovës, përkatësisht hapjes së Zyrës Administrative për veriun e Mitrovicës, kanë njoftuar zyrtarët e Policisë së Kosovës, transmeton ReL.

Protesta e cila zgjati rreth 1 orë, kishte përfunduar në mënyrë të qetë dhe pa incidente, kanë thënë zyrtarë policorë që e kanë përcjell nga afër këtë protestë.

Sipas policisë, përveç bllokimit të rrugës kryesore, gjatë kohëzgjatjes së protestës nuk është regjistruar ndonjë incident tjetër, që do të rrezikonte sigurinë e përgjithshme.

Përfaqësuesit e serbëve të veriut kanë theksuar se përmes kësaj protestë kanë shfaqur pakënaqësinë për siç kanë thënë “presionin gjithnjë e më të shpeshtë dhe rrezikimin e sigurisë së serbëve në Kosovë.

Organizues të protestës, e cila ka kaluar e qetë dhe pa incidente, kanë qenë përfaqësuesit e të ashtuquajturave katër komunave serbe të veriut të Kosovës.