Protestë në Prizren në mbrojtje të Qendrës Historike

Mijëra qytetarë u mblodhën sot në protestën, me moton “Nuk e duam ligjin” për Qendrën Historike të Prizrenit

Në mbrojtje të Qendrës Historike të Prizrenit dhe kundër miratimit të ligjit që, siç thuhet, është diskriminues për këtë qendër, qytetarë të shumtë prizrenas kanë protestuar me moton “Nuk e duam ligjin”.

Protesta, e organizuar nga një koalicion i organizatave joqeveritare, është mbajtur në sheshin Shatërvan.

Në emër të koalicionit të OJQ-ve të Prizrenit, Hajrullah Çeku, tha se projektligji, i cili thuhet se mund të miratohet në Kuvendin e Kosovës, krijon situata të reja favorizuese për një bashkësi të caktuar fetare.

Një gjë e tillë, sipas tij, paraqet diskriminim të qartë të qytetarëve të Prizrenit.

Ligji për Qendrën Historike të Prizrenit parasheh më tepër fuqi juridike në administrimin e shumë pronave për Kishën Ortodokse në qendër të Prizrenit