Pse Coca-Cola ndryshoi recetën për tregun në SHBA?

@unsplash

Presidenti amerikan Donald Trump ka deklaruar se Coca-Cola ka pranuar të ndryshojë prodhimin në SHBA duke përdorur “sheqer kallami të vërtetë” dhe jo më shurup misri me fruktozë të lartë (HFCS). Ai e bëri këtë njoftim në rrjetin e tij Truth Social, duke shkruar:

“Kam biseduar me Coca-Cola që të përdorin sheqer kallami të vërtetë në Coke në SHBA dhe ata ranë dakord. Dua të falënderoj të gjithë tek Coca-Cola. Do të jetë një vendim shumë i mirë nga ana e tyre, do ta shihni. Është thjesht më mirë!”

Në Evropë, Coca-Cola përdor zakonisht saharozë (sheqer normal), ndërsa në SHBA përdoret HFCS, i cili u përhap në vitet ’70 falë subvencioneve qeveritare për prodhuesit e misrit dhe tarifave të larta ndaj sheqerit të kallamit.

Çfarë ndryshon për shëndetin?

HFCS dhe saharoza kanë struktura të ndryshme kimike, por studimet klinike të vitit 2022 nuk kanë gjetur dallime të mëdha në shtimin në peshë apo në shëndetin e zemrës midis tyre. E vetmja diferencë: HFCS rriti një tregues inflamacioni te disa përdorues.

Coca-Cola me sheqer kallami tashmë gjendet në SHBA si import nga Meksika dhe shumë konsumatorë e preferojnë për shijen më të mirë.

Ndikimi te fermerët e misrit

Ky ndryshim pritet të godasë prodhuesit amerikanë të misrit, sidomos në “Corn Belt”, një rajon me shumë votues pro-Trump.