Fotografitë e publikuara në rrjetet sociale u kanë kushtuar shumë shtrenjtë disa shqiptarëve në Angli. Gazeta “The Sun” ka publikuar foto e disa shqiptarëve të cilët akuzohen për përfshirje në trafik droge dhe prostitucioni e të cilët kanë postuar në profilet e tyre. Kjo gaztë shkruan se për tu mburrur ata postojnë foto me një mal me para.
E tillë është dhe fotoja e Olsi Behelulit e publikuar në snap chat , me banim në Harrow në perëndim të Londrës. Aktualisht Olsi Beleluli është i arrestuar dhe po kryen dënimin prej 11 vitesh burg për posedim të heroinës dhe kokainës në vlerën e 4 milionë paund, pasi fotoja e tij i rrethuar nga më shumë se 250 mijë funte ishte zbuluar nga policia.
Ndërsa gazeta një tjetër shqiptar i cili kishte postuar një fotot me shumë para në gojë e përshkruan atë si të uritur. “The Sun” shkruan se këtë fenomen Agjencia Kombëtare e Krimit në Britani e ka quajtur kërcënim të madh për shkak të lidhjeve të shqiptarëve me krimin e organizuar.
“Kokaina mbetet shqetësim, pasi një pjesë e madhe e tregut administrohet nga shqiptarët. Kjo është një çështje që po bashkepunojmë me qeverinë në Tiranë për t’i luftuar ata”, ka thënë ditë më parë ambasadori i Britanisë së Madhe Duncan Norman gjatë një vizite në qytetin e Shkodrës.
