Punonjësit e kujdesit shëndetësor të Gjenevës “ndihmojnë” kolegët e tyre në Francë

Ndërsa shumë profesionistë të kujdesit shëndetësor nga Franca punojnë në Gjenevë dhe ka mungesë në sektorin shëndetësor në Francë, kryetari i qytetit kufitar të Annemasse po bën presion që këta punonjës ndërkufitarë të “ndihmojnë” kolegët e tyre në Haute-Savoie dhe Ain, përcjell albinfo.ch.
Duke pasur parasysh pagat më të larta dhe kushtet më të mira të punës në spitalet zvicerane, personeli mjekësor francez preferon të punojë në Zvicër; aktualisht, rreth 60 për qind e punonjësve në Spitalet Universitare të Gjenevës vijnë nga Franca.
Megjithatë, kryebashkiaku Christian Dupessey argumenton se Franca ka paguar për arsimimin e profesionistëve shëndetësorë dhe për këtë arsye ata duhet të jenë të detyruar të ndihmojnë kur nevojitet në institucionet e kujdesit shëndetësor në rajonet franceze të Haute-Savoie dhe Ain.