Punonjësit e OKB-së në Gjenevë planifikojnë një protestë masive më 1 maj

Duke pasur parasysh shkurtimet e buxhetit të SHBA-së, të cilat tashmë kanë çuar në humbje vendesh pune — dhe priten më shumë në të ardhmen — “një mobilizim i paparë” i punonjësve të OKB-së po zhvillohet aktualisht në Gjenevë, përcjell albinfo.ch.

Më 1 maj, stafi i Kombeve të Bashkuara do të mblidhet në orën 12:30 në Place des Nations, para selisë administrative të OKB-së, “për të denoncuar valët historike të shkurtimeve të buxhetit dhe vendeve të punës që kërcënojnë drejtpërdrejt misionet thelbësore të sistemit të OKB-së,” tha Ian Richards, president i sindikatës së punonjësve.