Qendrat e fitnesit padisin Qeverinë zvicerane

(KEYSTONE/Gaetan Bally)

Federata Zvicerane e Qendrave të Fitnesit (FSCFS) ka bërë një ankesë kundër Qeverisë zvicerane për mbylljen e saj të palestrave dhe ambienteve të trajnimit për shkak të pandemisë së koronavirusit.

Duke argumentuar se mbylljet kanë qenë “joproporcionale”, FSCFS dëshiron që Qeveria zvicerane të paguajë qendrat e fitnesit për të kompensuar humbjet e tyre për shkak të “mbylljeve arbitrare të detyrueshme”, shkruajnë mediat zvicerane, përcjell albinfo.ch.

Pandemia ka shkaktuar shumë dëme ekonomike në mbarë botës, derisa ka prekur edhe Zvicrën, përkundër që Qeveria zvicerane ka ndihmuar shumë biznese.