‘Qetësohu, Donald, qetësohu’: 17-vjeçarja ‘hakmerret’ ndaj Trump-it

Keystone (AP Photo/Paul Sancya)

Greta Thunberg, aktivistja e klimës, duket se nuk e ka harruar thumbimin që i kishte bërë 11 muaj më parë presidenti amerikan Donald Trump.

Sipas mediave të huaja, 17-vjeçarja ka zgjedhur të “hakmerret” ndaj Trump, duke përdorur frazën që presidenti amerikan kishte përdorur.

Në vitin 2019, kur Greta Thunberg u emërua personi i revistës Time, presidenti i SHBA-së ishte tallur me të.

Donald Trump kishte kritikuar vendimin e revistës Time për emërimin e aktivistes adoleshente të klimës si personin e vitit dhe kishte shkruar: “Kaq qesharake. Greta duhet të punojë për problemin e saj të menaxhimit të zemërimit, pastaj të shkojë në një film të modës së vjetër me një mik! Qetësohu Greta, qetësohu!”.