Qeveria: Jo zgjedhjes së drejtpërdrejtë

Iniciativën për zgjedhjen direkte të Qeverisë Federale e ka realizuar dhe sjellë në Bernë SVP-UDC

Qeveria e Zvicrës (Këshilli Federal) nuk do të mbështesë dhe as nuk do të fusë ndonjë propozim alternativ për iniciativën “Zgjedhje e Qeverisë nga populli”.

Ajo po kështu ka rekomanduar votuesit që të mos i japin votën nismës në fjalë.

Këtë iniciativë e ka realizuar dhe sjellë në organet e federatës, SVP-UDC. Nëse do të votohej nga populli, ajo do të mundësonte zgjedhjen e drejtpërdrejtë, nga populli, të organit ekzekutiv të shtetit, gjegjësisht të Qeverisë Federale.

Ndërkaq, po kjo qeveri, në përbërjen aktuale është e mendimit se zgjedhja e anëtarëve të saj nga asambleja parlamentare (të dy dhomat e parlamentit është një mënyrë që është dëshmuar si e përshtatshme.

Së këndejmi, një ndryshim i procedurës për zgjedhjen, do të ishte i panevojshëm.