Qeveria miraton nismën për aderim në INTERPOL

Kryeministri tha se sivjet janë shanset e mira pasi që punët janë bërë dhe përkrahja ekziston, ndërsa shprehu besimin që në shtator do të ketë vendim pozitiv për anëtarësim

Qeveria e Kosovës në mbledhjen e mbajtur të mërkurën e ka miratuar nismën për aderimin e Kosovës në oraganizatën nderkombëtare të policisë kriminale – INTERPOL. Kryeministri në detyrë, Isa Mustafa, tha se kjo është një nismë tepër e rëndësishmë për Kosovën dhe antarësimin në Interpol.

Ai tha se sivjet janë shanset e mira pasi që punët janë bërë dhe përkrahja ekziston, ndërsa shprehu besimin që në shtator do të ketë vendim pozitiv për anëtarësim.

Ndryshe, ditë më parë edhe vet ministri i Jashtëm serb, Ivica Daçiq, ka deklaruar se Kosova do të mund të anëtarësohet në INTERPOL, pasi që sipas tij në mbledhjen e INTERPOL-it që do të mbahet në shtator në Kinë, përveç Kosovës, anëtarësim kanë kërkuar edhe Palestina dhe Ishujt Solomon. “Si mund të themi ne votoni për Palestinën, por jo edhe për Kosovën”, ka thënë Daçiq.