Berna mbështet të prekurit nga varfëria

Keystone

Qyteti i Bernës mund të krijojë një shërbim këshillimi me prag të ulët për njerëzit e prekur nga varfëria që kërkojnë një banesë. Këshilli i qytetit dha dritën e gjelbër për një projekt pilot 4-vjeçar, të enjten, shkruan Blick, përcjell albinfo.ch.

Grupi i synuar i ofertës së re janë të prekurit nga varfëria dhe ata në rrezik të varfërisë që jetojnë në qytetin e Bernës dhe kërkojnë një apartament të ri. Një organizatë jofitimprurëse synon të mbështesë këta njerëz në kërkimin e tyre për strehim të përshtatshëm.

Kostot vjetore arrijnë në 88,000 CHF, ndërsa Parlamenti miratoi një kredi angazhimi prej 352,000 CHF.
Një pakicë e qendrës së djathtë e kundërshtoi projektligjin, duke thënë se një qendër këshillimi nuk mund të krijojë apartamente të reja të përballueshme, por mund të japë vetëm mbështetje morale dhe kjo nuk mjafton.

Shumica e këshillit e pa ndryshe. Strehimi i përballueshëm është i rrallë dhe në shumë raste, ata të prekur nga varfëria varen nga mbështetja. Përveç kësaj, shërbimi këshillues është përfshirë në strategjinë e strehimit të qytetit.