Radari ‘kapi’ gabimisht 10,000 shoferë të pafajshëm në Bernë

Keystone EPA/LUKAS BARTH-TUTTAS

Kamerat e shpejtësisë të programuara keq ndezën gabimisht 9604 automjete këtë vjeshtë në kryeqytetin zviceran, Bernë.

Sistemi i ri i radarit i bëri gabimet midis 12 shtatorit dhe 19 tetorit. Problemi u ngrit për shkak të një gabimi në programimin e softuerit, përcjell albinfo.ch.

Katër sisteme matëse në qytetin e Bernës u prekën, siç njoftoi të hënën policia kantonale e Bernës.

Personat e prekur do të njoftohen me shkresë në ditët në vijim dhe do të rimbursohen rreth 6000 gjobat e paguara tashmë.

Pajisjet e programuara gabimisht janë një gjeneratë e re e sistemeve matëse me teknologji loop. Pajisjet janë testuar dhe miratuar nga Zyra Federale e Metrologjisë.

Vetëm katër sistemet në Bernë ishin në përdorim në gjithë Zvicrën. Sistemet u ndaluan më 19 tetor.