Rajonet e Zvicrës që pritet të goditen nga moti i keq në vijim

Ndërsa pastrimi dhe riparimi i dëmeve të shkaktuara nga stuhitë, përmbytjet dhe rrëshqitjet e dheut në disa rajone të Zvicrës janë duke u zhvilluar, priten të tjera episode të motit ekstrem, përcjell albinfo.ch.

Këtë herë, 40 deri në 60 milimetra shi, të shoqëruar me stuhi do të godasin zonën Bernese Oberland dhe Alpstein në Appenzell, sipas meteorologut Michael Eichmann.

“Këto janë dy rajone të cenueshme tani”, tha ai, duke shtuar se megjithëse normalisht kjo sasi shiu nuk do të ishte problematike, në ditët e fundit shiu tashmë ka ngopur tokën, “kështu që shumica e tij do të dalë nga sipërfaqja”.