Rama bën thirrje të hiqen edhe reklamat për bastet dhe kazinotë

Foto Ilustrim

Kryeministri i Shqipërisë, Edi Rama, përsëriti në Twitter se bastet e kazinotë elektronike do të mbyllen në 31 dhjetor, ndërsa reklamat e tyre duhet të hiqen nga mediat menjëherë.

“Bastet e kazinotë elektronike do të dalin jashtë ligjit në 31 dhjetor. Ama çdo reklamim i tyre në çdo lloj media, është i jashtëligjshëm. Portalet që kanë ende reklama të tilla, t’i heqin vetë se ndërkohë po punohet për mbylljen e tyre! Mos kemi llafe për lirinë e shtypit pastaj”, shkruan Rama në rrjetin social.

Rama ka bërë të ditur se bastoret dhe kazinotë do të mbyllen deri në fund të këtij viti, derisa kjo iniciativë ka marrë përkrahje të madhe, pasi një numër i madh i tyre gjenden në Shqipëri.

Madje, sipas shumë sociologëve, kjo ka sjellë varfëri edhe më të madhe në vend, si dhe shumë probleme të tjera, pasi bien në depresion nga humbjet e madhe nëpër bastoret e kazinotë.