Rama: E dashur Serbi, Kosova e pavarur është një realitet i pamohueshëm

Rama tha se është padrejtësi që qytetarët e Kosovës nuk mund të lëvizin pa viza

Kryeministri Rama, duke folur në Asamblenë e Kombeve të Bashkuara, u ndal specifikisht në një kërkesë.

Të gjitha vendet duhet ta njohin pavarësinë e Kosovës.

Rama u drejtua me fjalët: E dashur Serbi, Kosova e pavarur është një realitet i pamohueshëm.

Më tej ai vazhdoi se është e rëndësishme që Kosovës t’i jepet mundësia të bëhet pjesë e të gjitha organizatave rajonale dhe ndërkombëtare, ku çdo vend sovran i botës ka të drejtë të bëhet pjesë, shkruan TCH.

Rama tha se është padrejtësi që qytetarët e Kosovës nuk mund të lëvizin pa viza. Është e padrejtë që 2 milionë njerëz që kanë luftuar kaq shumë të jenë të izoluar. E dashur BE, ndaloje këtë, tha Rama, përcjell Albinfo.ch.

---