Rama e Zaev pajtohen për mbledhje të përbashkët të dy qeverive

Kryeministri shqiptar, Edi Rama, po qëndron në Shkup, ku do të marrë pjesë në samitin rajonal “100 liderë në biznes nga Evropa Juglindore – Ndërlidhja”, me fokus biznesin dhe ndërveprimin ekonomik mes vendeve, përcjell albinfo.ch.

Në kuadër të këtij samiti Rama u prit nga kryeministri i Maqedonisë, Zoran Zaev, me të cilin biseduan për marrëdhëniet dypalëshe dhe intensifikimin e shkëmbimeve tregtare.

“Për t’i dhënë nxitje këtij bashkëpunimi dhe lehtësuar ndërveprimin ekonomik mes vendeve, dy kryeministrat u pajtuan për mbajtjen në muajt e ardhshëm të mbledhjes së përbashkët mes dy qeverive, shqiptare dhe asaj maqedonase”, thuhet në njoftim.