Rama fton në takim Ahmetin, Thaçin, Selën e Kasamin

Rama është interesuar për planet dhe strategjinë e ardhshme të liderëve shqiptar se si do t'i artikulojnë kërkesat e shqiptarëve në Parlamentin e Republikës së Maqedonisë

Kryeministri i Shqipërisë, Edi Rama po bën përpjekje t’i bashkoj liderët e partive politike në Maqedoni, në mënyrë që pas zgjedhjeve t’i harmonizojnë qëndrimet dhe të flasin me një zë në kalkulimet politike për formimin e qeverisë së re maqedonase. Siç raportojnë cedilat rajonale, Edia Rama ftoi në takim Ali Ahmetin, Menduh Thaçin, Ziadin Selën dhe  Bilall Kasamin.

Kryeministri shqiptar ka ftuar vetëm liderët politikë shqiptar nga Maqedonia që kanë fituar mandate në Parlamentin e Republikës së Maqedonisë. Siç raporton Albeu,

Rama është interesuar për planet dhe strategjinë e ardhshme të liderëve shqiptar se si do t’i artikulojnë kërkesat e shqiptarëve në Parlamentin e Republikës së Maqedonisë.

Rama i ka dhënë përkrahje të gjithë liderëve politik duke iu thënë se do të mbështes të gjitha kërkesat e shqiptarëve atj.

Mbrëmë, kryetari i KSHZ-së, Aleksandar Çiçakovski, ka shpallë edhe rezultatet zyrtare në nivel republikan. Sipas KSHZ-së, në të gjitha zonat zgjedhore VMRO-DPMNE ka fituar 51 mandate, LSDM 49, BDI 10, BESA 5, LR-PDSH 3, dhe PDSH-ja 2. Dhe sipas kombinimeve politike, nëse nuk ka koalicion gjithëpërfshirës, shqiptarët konsiderohen çelësi i koalicionit në Maqedoni.