Reagon Ambasada Gjermane në Kosovë: Nuk e bojkotuam pritjen shtetërore

Ilustrim, Pixabay

Ambasada gjermane në Prishtinë ka reaguar për mospjesëmarrjen në Pritjen Shtetërore për Ditën e Çlirimit që u mbajt të hënën në mbrëmje.

Për Radio Evropën e Lirë thanë që ambasada nuk e ka bojkotuar pjesëmarrjen. “Ambasada gjermane ka pranuar ftesë për të marrë pjesë në këtë ngjarje dhe zyrtarisht në të është përfaqësuar nga zëvendëskreu i misionit, siç ka ndodhur në shumë raste”, thuhet në përgjigje, përcjell albinfo.ch.

Më 12 qershor ambasadorët e shteteve të QUINT-it (Shtetet e Bashkuara, Gjermania, Italia, Franca dhe Britania e Madhe) nuk janë parë në ngjarjen e organizuar nga presidentja e Kosovës, Vjosa Osmani, dhe kryeministri Albin Kurti, për shënimin e 24-vjetorit të çlirimit të Kosovës.