Reagon Interpol për Radoiçiqin: Nuk lëshojmë urdhërarreste, i shpallim personat në kërkim

Xhelal Svecla, FB

Organizata ndërkombëtare e policisë – INTERPOL, e ka shpallur në kërkim ish-nënkryetarin e Listës Serbe, Millan Radoiçiq, në lidhje sulmin e 24 shtatorit në Banjskë të Zveçanit, përcjell albinfo.ch.

Ministri për Kthim dhe Komunitete, Nenad Rashiq, për Klan Kosova ka thënë se është lëshuar një urdhërarrest nga Interpoli ndaj Milan Radoiçiqit ndërsa INTERPOL u shpreh se ata nuk lëshojnë urdhërarreste, por vetëm “njoftime të kuqe”.

“Interpol lëshon alarm ndërkombëtar, të njohura si ‘Red Notice’ (Njoftimi i Kuq), duke i shpallur personat në kërkim”, thuhet në përgjigje.

Ndërkaq rreth rastit të Radoiçiqit u tha se nuk i komentojnë rastet individuale.

“Një njoftim i kuq nuk është një urdhër arresti ndërkombëtar”, thotë Interpoli, teksa tutje u sqarua se individët kërkohen nga vendi anëtar kërkues, ose gjykata ndërkombëtare. Vendet anëtare thuhet se zbatojnë ligjet e tyre për të vendosur nëse do të arrestojnë një person.