Reduktohen kolonat, në Merdare pritjet 20 minuta

Sipas Policisë së Kosovës, në mëngjesin e ditës së sotme, në Merdare pritjet kufitare kanë qenë afërsisht rreth 2:00 orë, ndërsa pasdite janë diku rreth 10-20 minuta

Mërgimtarë kosovarë vazhdimisht po përballen me kolona të gjata gjatë hyrjes në Kosovë. Shumica prej atyre që kanë ardhur dje, kanë pritur deri katër orë në pikëkalimin e Merdares dhe tek Dheu i Bardh. Ndërsa gjatë ditës së sotme pritjet kanë qenë më të shkurtra prej 2 orë deri 20 minuta.

Sipas Policisë së Kosovës, në mëngjesin e ditës së sotme, në Merdare pritjet kufitare kanë qenë afërsisht rreth 2:00 orë, ndërsa pasdite janë diku rreth 10-20 minuta, pasi fluksi i automjeteve me bashkatdhetarët që vijnë ne pushime, ka rënie në orët e pasdites,

“Fluksi i automjeteve me bashkatdhetarët tanë qe vijnë në pushime në Kosovë ka rënie në orët e pasdites, ndërsa ne dalje pritje nuk ka përveç kohëzgjatjes normale prej 05-10  deri sa te kryhen procedurat kufitare”, thuhet në njoftimin e Policisë së Kosovës.

Edhe te Dheu i Bardhë, sipas Policisë, ka rënie të pritjeve në hyrje të Kosovës, krahasuar me ditën e shtunë. “Sot pritjet zgjasin afërsisht deri rreth 1:00 orë, por vërehet rënie e frekuentimit të automjeteve, kurse në dalje nuk ka pritje”, njofton Policia.

Policia e Kosovës, siç thuhet, vazhdon me masat shtese, me prezencë më të shtuar të personelit policor, në mënyre që të ndikojë në zvogëlimin e pritjeve dhe t’u mundësojë qytetarëve kalim më të shpejtë të kontrollit kufitar në pjesën e Republikës së Kosovës.