Maqedoni: Regjistrimi i popullsisë brenda vendit nis më 1 prill

Në Maqedoninë e Veriut ka nisur regjistrimi i popullsisë, proces i cili mungonte prej 19 vjetësh.

Grupet që u bënë pjesë e këtij procesi fillimisht ishin të dënuarit me burg, personat e pastrehë si dhe shtetasit që jetojnë jashtë vendit. Ky proces do të zgjasë 50 ditë, ndërsa për shtetasit që jetojnë brenda territorit të Maqedonisë së Veriut, regjistrimi do të nisë me 1 prill, shkruan Albinfo.ch.

Ky është një operacion shumë i rëndësishëm dhe i bëj thirrje të gjithë qytetarëve që të kyçen në zhvillimin e shtetit pasi kemi të bëjmë me një operacion, nga i cili të gjithë kanë dobi në veçanti institucionet të cilët përmes të dhënave statistikore më pas bëjnë hartimin e politikave zhvillimore. Jemi shteti i vetëm që prej 20 vjetësh nuk kemi regjistrim.

Zëvendësdrejtori i Entit për Statistikë, Ilmi Selami, tha për Euronews Albania se për shkak të sistemit elektronik të futjes të të dhënave, edhe rezultatet pas regjistrimit priten të dalin shpejt. Selami po ashtu bën thirrje për mbështetje të këtij procesi.

Nga një regjistrim i suksesshëm pritet të fitojnë të gjithë. Censusi për nga natyra është një proces prej të cilit ose humbim të gjithë ose fitojmë të gjithë. Këtu nuk ka një palë humbëse apo fituese. Në census pala e vetme është shteti dhe qytetarët për të cilët bëhet regjistrimit. Por në Ballkan si gjithçka tjetër gjendet mënyrë për t’u politizuar.

Regjistrimi i shtetasve që jetojnë jashtë vendit bëhet përmes një aplikacioni të posaçëm.

Në ditën e parë janë paraqitur edhe probleme, pasi disa emigrantë kanë denoncuar se aplikacioni nuk funksionon. Procesi i regjistrimit të popullsisë do të mbarojë më 21 prill.

Duke pasur parasysh që Maqedonia është një shtet multietnik, këto statistika janë të rëndësishme për të drejtat etnike të shqiptarëve dhe jo vetëm pasi mund përfitojnë më shumë të drejta të garantuara nga Kushtetuta.

Maqedonia e Veriut në censusin e fundit në vitin 2002 numëronte rreth dy milionë banorë, ku 60 % ishin maqedonas, 30 % shqiptarë dhe pjesë tjetër, turq, serbe, romë dhe boshnjakë.

Video udhëzuese hap pas hapi, për vetëregjistrim të gjithë shtetasve të Republikës së Maqedonisë së Veriut të cilët gjenden jashtë shtetit, gjegjësisht mërgatës tonë.

Video: https://fb.watch/3-7yKeR3pq/

Procesi i vetëregjistrimit fillon me 1 mars dhe do të zgjasë deri më 21 prill, nëpërmjet aplikacionit elektronik në faqen e internetit:census.stat.gov.mk 

Më shumë infromata në numrat e telefonit:
+389 75 268 732 (Viber, WhatsApp)

+389 75 268 734 (Viber, WhatsApp)

+389 75 268 745 (Viber, WhatsApp)

 

 

---