Renault 5, në versionin elektrik

Mediat botërore i kanë kushtuar vëmendje modelit elektrik të Renault 5. Kur në fillim të vitit u prezantua Renault 5 Prototype, shumë kanë shpresuar se ky retro model do të shfaqet nëpër rrugë.

Tashmë, Renault në një njoftim zyrtar ka konfirmuar se një gjë e tillë do të ndodhë dhe ka premtuar se si prodhimi serik do të fillojë gjatë vitit të ardhshëm.

Prodhuesi francez gjithashtu ka premtuar se portofolio i saj EV do të jetë i disponueshëm në tërë Evropën.

Në panairin e veturave IAA Mobility në Minhen, Renault 5 e re është prezantuar – duke qëndruar pranë modelit klasik dhe që njëherësh shënon 50-vjetorin e ekzistencës së këtij modeli.

E tani që u prezantuan pranë njëri-tjetrit, pasardhësi i tij elektrik vërehet se është më i madh sesa versioni origjinal.

Kjo veturë bazohet në platformën CMF-B që përdor Dacia Sandero e re, kurse ky model do të prodhohet në Francë.

Përveç Renault 5, pjesë e rëndësishme e strategjisë së Renaulution është edhe Megane E-Tech që së shpejti do të shfaqet nëpër rrugë – dhe që pritet t’i bëjë konkurrencë modelit ID.3 të Volkswagen.