Rexhepi priti ministrin e brendshëm të Kantonit të Bernës, Hans-Jürg Käser

Delegacioni zviceran shprehu gatishmërinë e institucioneve të këtij kantoni që të vazhdojë ndihmat për institucionet e Kosovës

Siç bëhet e ditur në një komunikatë shtypi të Minsitrisë së Punëve të Brendshme të Kosovës, ministri Bajram Rexhepi, ka pritur sot një delegacion nga Kantoni i Bernës.  të kryesuar nga ministri i punëve të brendshme i këtij kantoni Hans-Jürg Käser.

Me këtë rast, ministri Rexhepi e falënderoi delegacionin zviceran për ndihmën e vazhdueshme që i ka dhënë dhe po i jep Zvicra Republikës së Kosovës.

Ministri Rexhepi i ka njoftuar mysafirët nga Zvicra edhe për gjendjen e sigurisë në Republikën e Kosovës dhe se Ministria e Punëve të Brendshme gjatë periudhës së fundit ka marrë një varg operacionesh për vënien para drejtësisë të personave që janë të përfshirë në vepra të ndryshme kriminale.

Delegacioni zviceran shprehu gatishmërinë e institucioneve të këtij kantoni që të vazhdojë përkushtimin për ndihmë ndaj institucioneve të Kosovës dhe vlerësoi raportet e mira mes popullit zviceran dhe atij shqiptar, kur dihet se në Kantonin e Bernës jetojnë një numër i madh i qytetarëve të Kosovës, thuhet në fund të komunikatës.