Rita konfirmon vizitën në Kosovë

Këngëtarja kosovare me famë botërore, Rita Ora, para një mbrëmje ka mahnitur publikun me dukjen e saj në tapetin e kuq në Grammy, ndërsa revista Vogue e ka ndjekur shkuarjen e saj atje.

Revista Vogue ka përgatitur një storje gjatë rrugës së saj për në këtë ceremoni. Gjatë bisedës për këtë revistë, ajo ka konfirmuar edhe vizitën në vendlindje më 2018, për ditën e Pavarësisë së Kosovës, shkruan Kultplus.

Ajo ka treguar edhe për projektet e saja të sapopublikuara, edhe për turnetë e saj në këtë vit. Duke folur për udhëtimet e saj në Amerikë dhe Evropë, këngëtarja shqiptare ka treguar edhe për udhëtimin e saj misionar drejt shtëpisë së saj, Kosovës.