Rita Ora fitoi 27 mijë funte në javë pa publikuar fare këngë

Këngëtarja kosovare mblodhi 1.4 milionë funte në një vit kalendarik të mbyllur në muajin prill të vitit 2017

(KEYSTONE/DPA/Britta Pedersen)

Rita Ora fitoi 27 mijë funte në javë në një vit pa publikuar asnjë këngë.

Këngëtarja kosovare mblodhi 1.4 milionë funte në një vit kalendarik të mbyllur në muajin prill të vitit 2017. Kështu kanë bërë të ditur të dhënat e dy kompanive të saja.

“Ora Multi Services” pati rritje nga 1.6 milionë në 2.8 milionë funte dhe “Ora Live LTD” kërceu nga 700 mijë në 900 mijë funte.

Kjo nënkupton që ylli i zhanrit pop fitoi rreth 27 mijë funte në javë, ose 3800 funte në ditë, transmeton Albinfo.ch.

Të hyrat u rritën për shkak të marrëveshjeve me Adidasin dhe Coca-Colan.

Ajo pati paraqitje edhe në TV-të amerikane. Udhëhoqi “America’s Top Model”, ndërsa bëri bujë edhe me performancën para Papës në shenjtërimin e Nënës Terezë.

27-vjeçarja, që do të performojë në Kosovë për dhjetëvjetorin e pavarësisë, pritet që në vitin e ri të ketë edhe më shumë përfitime pas lansimit të disa këngëve. Ajo pritet që më 2018 të lansojë albumin e shumëpritur, që është i dyti në karrierë, gjashtë vjet pas të parit.